Imprimir esta páxina
21
Septiembre

O parque infantil do regato da Venda, vítima de actos vandálicos

Por segunda vez consecutiva as vallas de madeira colocadas no parque infantil do regato da Venda foron vítimas do vandalismo e da falta de consideración dalgunha persoa que rouba infraestruturas e elementos urbanos que son propiedade de toda a veciñanza.


Hai unhas semanas que operarios municipais colocaron 16 metros de valla de madeira que delimita a zona do parque infantil do regato da Venda ao ser roubada, unha acción vandálica que xa se cometeu con anterioridade sendo esta a segunda vez que o concello ten que repor esta valla.


A día de hoxe volven faltar oito metros de valla e se aprecian outros danos no propio regato. Estes danos provocarán de novo un gasto en materiais e en horas de traballo de operarios municipais ademais do prexuízo que causa para a vecindade danar unha zona de lecer.


Nas últimas semanas tamén se produciron danos en distintos elementos do mobiliario urbano (bancos, papeleiras, columpios…) ademais de ser queimados distintos colectores de lixo.

 

Dende o Concello piden a colaboración cidadá para identificar ás persoas que cometeron estes actos.

Valora agora
(0 votos)