O complexo deportivo Álvaro Pino converteuse onte nunha verdadeira ratoneira que fixo saltar as alarmas entre veciños e persoal de emerxencias. Por mor da choiva, o desfile de entroido foi trasladado ao pavillón que superaba con creces o seu aforo permitido. Xente sentada nas gradas, na pista, saídas de emerxencias obstruídas e un colapso de tráfico ás súas porta que impedía o paso de vehículos e incluso o acceso das ambulancias ao PAC de Ponteareas.

As redes sociais fixeronse eco da situación e moitos veciños e veciñas alertaban do risco que se estaba dar, incluso persoal de emerxencias deu conta á central da situación que se estaba a dar.

O portavoz municipal de ACiP, Juan Carlos González Carrera, denunciou hoxe o acontecido "decidiron cambiar o lugar do evento sen antes facer unha valoración da seguridade, dos medios de emerxencia dos que podían dispoñer, as saídas de emerxencia en caso de urxencia..." . E é que os asistentes ao desfile puideron comprobar como nunha das entradas e saídas se instalou un posto de churros que entorpecía o paso, bombonas de gas apiadas na entrada, outra porta taponada con aparellos de practicar deporte, os medios de Protección Civil escasos e na pista. Os accesos ao Centro de Saúde quedaron bloqueados para aceso das ambulancias do 061.

"Claramente as saídas de emerxencia estaban ostruidas e solo había dúas dispoñibles, insuficientes ante un desaloxo urxente", denuncian dende ACi, " non pode haber vehículos aparcados e tamén os habia, e o aforamento cuadriplicouse. Ningún organismo aprobaría un plan de emerxencia para poder realizar este evento alí ".

Dende ACiP adiantan que poñerán estes feitos en coñecemento da Subdelegación de Goberno "para que tome as medidas que correspondan ante a irresponsabilidde dun Alcalde que pon en perigo a centos de veciños pola súa incapacidade para facer as cousas como hai que facelas".