Xa non queda nada para que empece a tempada de Enduro Mtb 2017, a Toyota Nipocar  Enduro MTB, volve ser a encargada de dar o pistoletazo de saída ao enduro de competición en Galicia.  Unha vez máis, a primeira proba do enduro na nosa comunidade terá lugar na localidade de Ponteareas, en plena capital do Condado. 

A proba desenvolverase os próximos 18 e 19 de febreiro. Este ano ademais,  non hai escusa para participar, pois a maiores de todas as categorías (Cadete, Junior, Sub23, Elite e Mulleres) se disputarán as de Bicis Eléctricas e Amateur, esta última para pilotos que se queiran iniciar na modalidade do enduro ou que se atopen en baixa forma pois só enfrontarán unha parte do percorrido que non superará os 20 km, igual que a categoría cadete.

As inscricións xa están abertas podendo formalizarse a través da web www.magmasports.es , onde ademais poderedes obter máis información acerca da proba. Tamén  na pagina do Facebook de Xtrembike Eventos, atoparedes información e  poderedes seguir todas as novidades.