Imprimir esta páxina
21
Marzo

Viza e Concello do Porrriño colaboran para a formación dun grupo de mulleres

Este grupo de mulleres en situación de desemprego recibirán formación de cara a súa posible incorporación como soldadoras nesta compañía


O Concello do Porriño e Viza Automoción, empresa do sector da automoción sita no Polígono de As Gándaras, chegaron a un acordo para a formación, por parte de Viza, dun grupo de mulleres desempregadas de cara a súa posible incorporación coma soldadoras a esta compañía.

 

Viza é unha empresa punteira no deseño e fabricación de estruturas metálicas de asentos para a industria del automóbil, de capital cento por cento galego, integrada por 500 traballadores e traballadoras na súa planta do Porriño e que subministra os seus produtos a grupos tan importantes coma PSA Peugeot Citroën, Audi, Renault, Volkswagen, Mercedes, Toyota ou Porsche.

 

Este grupo de mulleres, que están en situación de desemprego, recibirá formación teórica e, principalmente, práctica, nas instalacións da empresa, formación que é o cerne das accións do  Plan Integrado de Emprego para Mulleres (PIEM), co-financiado cun total de 255.000€ pola  Xunta de Galicia e o Concello do Porriño, e que ten coma obxectivo  a mellora a incorporación no mercado laboral das porriñesas que están na procura de emprego.

Valora agora
(0 votos)