A Asociación de Maiores, Pensionistas e Xubilados de Mos, ASOMAMOS, organiza o seu VI Festival de Habaneras e Polifonía que se celebrará o domingo 25 de outubro ás 19.00 horas no auditorio do centro Multiusos das Pozas, sito na parroquia de Petelos.
Neste encontro musical participarán, ademais da anfitriona Coral Polifónica ASOMAMOS, a Coral Polifónica Novos Aires de Nigrán, o Grupo Coral da Jobra de Vila da Branca-Aveiro (Portugal), e a Coral Polifónica Alameda de Pontevedra.
A entrada será libre e de balde ata completar aforamento para todo o público interesado en asistir.
