O criterio das reunións en domicilios é claro: os contaxios prodúcense en entornos de confianza nos que se retira a mascarilla, por iso se prohiben en datas sinaladas como o Nadal ou a Semana Santa. Unha vez superado o risco das vacacións volven a permitirse.

A partir do sábado, tamén se poderá viaxar en coche con persoas non conviventes.

Estabilidade da situación en Galicia

A día de hoxe aínda é precipitado valorar o impacto que os festivos puideron ter na situación epidemiolóxica, por iso estes datos serán evaludados o vindeiro martes.

Neste momento, tal e como explicou Carmen Durán, "A nivel epidemiolóxico reiterámonos en que Galicia se atopa nunha situación de estabilidade". A incidencia das últimas tres semanas oscila entre 32 e 34 casos por cen mil habitantes e a 14 días está entre os 66 e os 70 casos por cen mil.

A taxa de positividade sitúase arredor dos 2,4 ou 3%. Hoxe concretamente é do 2,4%, menos da metade do umbral do 5% polo que se considera un brote baixo control. Os modelos predictivos apuntan a unha baixada de 0,6 diaria se a situación se mantén.